Adrian Stern - Heb Mi Nimm Mi

Bi scho lang nüme det gsi
Ha scho lang kä gschänk und blueme meh bracht
Es chunnt mer vor als wär’s höchschti zit
Ich glaub ich schtahne langsam under verdacht

Bruch immer vill z’lang
Bis I irgenöppis tschegg
Schteck irgendwo im traumland
Bis’ mi schlagartig weckt
Doch d’zit lauft mer devo
Und jetz schtohni im räge
Cha nur no druuf hoffe
Das d’mi no ghörsch wänn I säge

Heb mi nimm mi
Lah mi nüm los
Dis herz schlaht luut
Mis glück isch gross

Bisch scho fascht uf em schprung gsi
Hesch di scho gfrögt wasd überhaupt, überhaupt da machsch
Hesch überleit git’s no anderi
Und hesch gmerkt das no mänge typ dir zuelacht

Wär I nur de ander
Wo alles richtig macht
Ufmerksam und offe
Immer bi de sach
Doch mängisch heb I ab
Und jetz schtohni im räge
Cha nur no druuf hoffe
Das d’mir nomal wotsch begägne

Heb mi nimm mi
Lah mi nüm los
Dis herz schlaht luut
Mis glück isch gross

Jetz woni dich scho fascht verlore ha
Wachi uuf und glaube wider dra
Frög mi wien I nur so blöd ha chönne sii
Heb mi nimm mi lah mi eifach nüme los
Mis glück isch gross